التعريف بال GMAT
- الحياة الجامعية
-
GMAT
(Graduate Management Admission Test )
الجيمات ببساطة هو اختبار لقياس قدرات الطالب في جوانب الرياضيات و التحليل المنطقي،
بالإضافة إلى قياس إجادة الطالب للغة الإنجليزية و خلينا نركز على الجزء الرياضي .
بيكون عبارة عن أسئلة في رياضيات عدت علينا قبل كده في مراحل التعليم الأساسي
(إبتدائي وإعدادي) زي مثلا:
الهندسة: مساحة، محيط، حجم، أضلاع، زوايا... إلخ.
الجبر: معادلات، تباديل وتوافيق أكبر من و أصغر من... إلخ.
الحساب: الكسور، الأعداد العشرية، الأسس و الجذور، القيمة المطلقة، الإحتمالات... إلخ.
مسائل حسابية: "عمر خالد يساوي ربع عمر محمد. بعد عشر سنوات عمر خالد يساوي نصف عمر محمد.
كم عمر خالد؟" ... إلخ. طبعاً الكلمات دي مرت علينا قبل كده وعرفناها بس لأننا لا نستخدمها أو بعدنا شوية
عن الرياضيات والأرقام فتلاقيها موجودة في عقلك بس محتاج إنك هاتعملها مجرد تنشيط .
إيه اللي يخلينا نحتاج نذاكر مثل هذه المادة...؟؟؟
أولاً:- بالنسبة للأشخاص اللي يحبوا يحصلوا على منح داخل مصرأو خارجها في مجال الإدارة والطب والقانون
وجميع المجالات والتخصصات, معظم الجامعات بتكون شرط من شروطها أن يكون المتقدم على درجة عاليه
في الذكاء المنطقي أو الرياضي مثل( منحة مؤسسة القلعة في مصر)
طيب هما هيحددوا ده إزاي . عن طريق إختبار جيمات.
ثانيا:- بالنسبة للأشخاص اللي حبين بيشتغلوا في مناصب مرموقة أو يحصلو على وظيفة الأحلام في
الشركات العالمية أو حتى لو عايز تترقى في شغلك الحالي .. أيضاً الشركات دي بتكون شرط من
شروطها أن يكون المتقدم على درجة عالية في الذكاء المنطقي أو الرياضي .....
طيب هما هيحددوا ده إزاي .
عن طريق إختبار رياضى بس مش بيكون بنفس قوة الجيمات
الجيمات تعتبر شاملة لكل الاختبارات اللى هاتقابلها في أي شركة سواء كان الإختبار دة إختبار ذكاء
((IQ مثل إختبارات البنوك مثل بنك (HSBC )
إختبار حل المشكلة (PST ) مثل إختبارات شركات كبيرة مثل أوليمبك جروب , فلو إنت قوي في الجيمات
هيكون أي اختبار تاني بالنسبة لك سهل جداً بس شرط الممارسة المستمرة.
أنا بعيد جدا عن الرياضة من فترة كبيرة أو أنا لا أحب الرياضة والمسائل الرياضية من أيام
المذاكرة .... ينفع أذاكر جيمات وهتاخد مني وقت أد إيه ....؟؟؟
الجيمات (الإمتحان) لا يعتمد على المسائل الرياضية فقط بل يعتمد على طريقة حل
المشكلة وفهمك للمعطيات للوصول لأفضل طرق الحل
هدفنا في معاً إنك تستعد لكل أنواع الإختبارات اللي هاتقابلك فى أي وظيفة أومنحة أو تدريب
صيفي – مذاكرتك للجيمات هاتبقى ميزة لك في الإختبار ( سرعة ودقة الحل ) وميزة في الإنترفيو
إنك بتذاكر شهادة عالمية وبتقوي وتنمي من مهاراتك الشخصية بالمذاكرة والوقت بيعتمد على كل
واحد حسب وقته ومجهوده - ممكن تذاكر مع نفسك فقط أومع جروب معاً و ممكن الإتنين مع
بعض وعلى حسب مجهودك ربنا بيكافئك
أنا عايز أنضم مع فريق معاً وأذاكر الجيمات هذاكر إمتى وفين ومين اللي هايشرح .؟؟؟
إحنا في معاً بنتقابل مع بعض نذاكر مع بعض ونشجع بعض وطبعاً ممكن تكون جروب مع أصحابك وتذاكروا
الجيمات أو تنضم لجروب الجيمات في معاً مواعيد جروب الجيمات في كل دفعة المكان والمعاد بتكون
موجودة على
الشرح: مفيش حد بيشرح لحد – إحنا بنتقابل كلنا ونذاكر مع بعض ولو في حاجة صعبة نتسعين بحد
من شباب معاً من دفعات سابقة (ذاكر المسائل دي قبل كده) يساعدنا فيها – جروب الجيمات مش
محاضرة وشخص بيشرح دة جروب بنذاكر مع بعض Self Study ويتم عمل بعض ورش عمل لتطبيقات
الجيمات على الإكسيل و الكتب والماتريال هتلاقيها كلها مرفوعة على جروب معا 2007
ملحوظة هامة:
الجيمات لا تعتمد على ذكاء الأشخاص لكن تعتمد على تكرار حل المسائل والتدريب عليها.
الدرجات : إمتحان الجيمات لا يوجد به نجاح أو رسوب ولكنه إمتحان درجات بمعنى أنه كل جامعة
بتطلب درجة معينة في الجيمات
كثير من الناس تعتقد أن درجة عالية في التويفل ممكن تعوض الضعف اللي في الجيمات، و لكنه يفاجأ
بعدم قبوله في عدة جامعات بسبب ضعف الجيمات عنده. و الواقع أن الجيمات يقيس شيء مختلف تماما
عن التويفل.
التويفل: إختبار يقيس مدى إجادتك للغة الإنجليزية.
الجيمات: إختبار يقيس مدى إجادتك للرياضيات و التحليل المنطقي، بالإضافة للتمكن
العميق من اللغة الإنجليزية.
لاحظ أن الجيمات لا يضمن لك القبول في الجامعة، و لكن يفتح لك الفرصة للدخول.
فعلى سبيل المثال من يحصل على 650 في الجيمات، سيجد صعوبة شديدة جدا في
الحصول على قبول في هارفارد. و لو كانت الدرجة تحت600، ففرص القبول تكاد تكون صفر.
و في الناحية الأخرى، لو حصلت على درجة عالية جدا في الجيمات (700 على سبيل المثال)،
ستجد القبول شبه مضمون في الجامعات الجيدة حتى مع وجود بعض الضعف لديك
في النواحي الأخرى
للمزيد عن إمتحان الجيمات بكل تفاصيله للمتقدمين للجامعات العالمية
الامتحان – التكلفة – كيفية التقدم – مواعيد التقدم للإمتحان – نظام الإمتحان
